უკრაინაში მებრძოლი "ქართული ლეგიონი" საპატრიარქოს დონეცკში საბრძოლო მოქმედებებისას დაღუპული ქართველი მეომრის თამაზ სუხიაშვილის ქაშვეთში დასვენების ნებართვას სთხოვს.

"საპატრიარქოს ვთხოვეთ ნებართვა, თამაზ სუხიაშვილი ჩამოსვენებისთანავე ქაშვეთის ტაძარში დავასვენოთ, როგორც სამშობლოსთვის დაღუპულ ვაჟკაცს შეეფერება. მე მჯერა, პატრიარქი კურთხევას მოგვცემს", - წერს სოციალურ ქსელ Facebook-ში საკუთარ გვერდზე "ქართული ლეგიონის" მეთაური მამუკა მამულაშვილი.

თამაზ სუხიაშვილი კვირას დონეცკის აეროპორტის შტურმის დროს დაიღუპა. მასთან ერთად კიდევ სამი ქართველი დაიჭრა. საქართველოს საგარეო საქმეთა სამინისტროს ინფორმაციით, სუხიაშვილს საქართველოში უახლოეს 2 დღეში გადმოასვენებენ.