მამა ილია კარტოზია დავით აღმაშენებლის სახელობის მამათა მონასტრის ეზოში დაკრძალეს

მამა ილია კარტოზია მცხეთაში, დავით აღმაშენებლის სახელობის მამათა მონასტრის ეზოში დაკრძალეს. ადრიატიკის ზღვაში ბორან "ნორმან ატლანტიზე" გაჩენილი ხანძრის შედეგად დაღუპული მოძღვარი ბოლო რამდენიმე წლის განმავლობაში აღნიშნული ტაძრის წინამძღვარი იყო. მამა ილია კარტოზია საქართველოში 18 იანვარს ჩამოასვენეს და თავდაპირველად სამების საკათედრო ტაძარში დაასვენეს, გუშინ კი სვეტიცხოვლის საკათედრო ტაძარში დაასვენეს.

სვეტიცხოვლის ტაძარში დილიდან მამა ილია კარტოზიას სულის მოსახსენიებლად საღმრთო ლიტურღია აღევლინა, რომლის დასრულების შემდეგაც სამოქალაქო პანაშვიდი გაიმართა. მამა ილიას ცხედარი სვეტიცხოვლის საკათედრო ტაძრიდან 14:00 საათზე ჩოხოსნებმა და სასულიერომა პირებმა გამოასვენეს, საიდანაც სამგლოვიარო ცერემონიამ მამათა მონასტერში გადაინაცვლა.

დღეს დილიდან მამა ილია კარტოზიას ხსოვნას პატივი მიაგეს საქართველოს პრეზიდენტმა, პრემიერ-მინისტრმა და პოლიტიკოსებმა.

ადრიატიკის ზღვაში, ბორან "ნორმან ატლანტიზე" ხანძარი 28 დეკემბერს გაჩნდა. გემზე 500-მდე ადამიანი იმყოფებოდა, მათ შორის იყო საქართველოს რვა მოქალაქე. მამა ილიას გარდა, ყველა მათგანი ცოცხალი და უვნებელი გადარჩა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს