თამაზ სუხიაშვილის ცხედარს თბილისის აეროპორტში ოფიციალური პირები დახვდებიან
თამაზ სუხიაშვილის ცხედარს თბილისის საერთაშორისო აეროპორტში ოფიციალური პირები და ახლობლები დახვდებიან.
როგორც "ინტერპრესნიუსს" საგარეო საქმეთა სამინისტროში განუცხადეს, სუხიაშვილს კიევი-თბილისის რეისით გვიან ღამით ჩამოასვენებენ. მას საქართველოს საგარეო საქმეთა სამინისტროს ხელმძღვანელი პირები, ასევე, უკრაინაში საქართველოს საელჩოს წარმომადგენლები დახვდებიან.
თბილისის აეროპორტიდან თამაზ სუხიაშვილის ცხედარს ქაშუეთის ტაძარში გადაასვენებენ.
სუხიაშვილის გადმოსვენებას საგარეო საქმეთა სამინისტრომ გაუკეთა ორგანიზება, დაკრძალვის ხარჯების უზრუნველსაყოფად კი ოჯახს დახმარება აღმოუჩინა ხაშურის გამგეობამ.
თამაზ სუხიაშვილი, რომელიც წარმოშობით ხაშურის რაიონის სოფელ ცხრამუხადან იყო, გასულ კვირას დონეცკის აეროპორტის შტურმისას დაიღუპა. მას ორი მცირეწლოვანი შვილი დარჩა.
v-if="article.gallery" v-html="article.gallery"
