ნუგზარ წიკლაური - როგორც ჩანს, მართალი იყო ის განცხადებები, რომლებიც ჭიკაიძის მხრიდან გარკვეული პირების მფარველობას უკავშირდებოდა
როგორც ჩანს, მართალი იყო ის განცხადებები, რომლებიც უკავშირდებოდა ალექსანდრე ჭიკაიძის მხრიდან გარკვეული პირების მფარველობას, ვგულისხმობ ვაზაგაშვილის საქმეს.
ასე გამოეხმაურა ალეექსანდრე ჭიკაიძის გადადგომის მოთხოვნას "ნაციონალური მოძრაობის" ერთ-ერთი ლიდერი ნუგზარ წიკლაური. მისი თქმით, ჭიკაიძე იყო უუნარო მინისტრი და თანამდებობაზე ყოფნის პერიდოში ჭორაობით იყო დაკავებული.
"ჭიკაიძე იყო უუნარო მინისტრი და ეს ყველასთვის ცნობილია. მისი მინისტრობის პერიოდში გაიზარდა კრიმინალი საქართველოში, ქურდებთან ღია ალიანსი გააფორმა სახელმწიფომ და თვითონ ჭიკაიძე იმით იყო დაკავებული, რომ ჭორაობდა არარსებული იარაღისა და საბურავების საწყობებზე. ბუნებრივია, რომ ასეთი მინისტრი მიდიოდეს თანამდებობიდან", - განაცხადა წიკალურმა.
მისივე თქმით, დღეს კრიზისი არა მარტო შსს-ში, არამედ მთელ სახელისუფლებლო ვერტიკალშია და მას სხვა მინისტრებიც უნდა მიჰყვნენ.
v-if="article.gallery" v-html="article.gallery"
