მთავარმა პროკურატურამ ირაკლი ფირცხალავასა და კიდევ 10 პირის დაკავება დაადასტურა
საქართველოს მთავარ პროკურატურაში კრიმინალური პოლიციის დეპარტამენტის უფროსის ყოფილი მოადგილის, ირაკლი ფირცხალავასადა კიდევ რამდენიმე პირის დაკავება პროკურატურაში ოფიციალურად დღევანდელ ბრიფინგზე დაადასტურეს.
დღეს დილით გავრცელდა ინფორმაცია, რომ დაკავებული არიან კრიმინალური პოლიციის ხელმძღვანელის ყოფილი მოადგილე ირაკლი ფირცხალავა, შსს კრიმინალური პოლიციის დეპარტამენტის სამძებრო სამმართველოს მე-6 განყოფილების ყოფილი გამომძიებელი ლევან ბეროძე და თბილისის სპეცდანიშნულების რაზმის ყოფილი მეთაური კახა ნაკანი, აგრეთვე რამდენიმე პირი. დაკავებული ირაკლი ფირცხალავას ადვოკატის დავით ხაჟალიას ინფორმაციით, ზურაბ ვაზაგაშვილის მკვლელობის საქმეზე სულ 11 პირია დაკავებული.
ზურაბ ვაზაგაშვილი თბილისში, კორტებთან 2006 წლის 2 მაისს ჩატარებულს სპეცოპერაციას ემსხვერპლა.
v-if="article.gallery" v-html="article.gallery"
