ვაზაგაშვილის ოჯახის ახლობლები და მხარდამჭერები მოითხოვენ, რომ აღმკვეთი ღონისძიების გამოცხადებაზე ჭირისუფლებს დარბაზში შესვლის საშუალება მიეცეთ.

ამ მოთხოვნის გამო უფლებადამცველ ირაკლი კაკაბაძესა და ბრალდებულების ახლობლებს შორის მორიგი დაპირისპირება მოხდა. დაპირისპირების დროს ორივე მხრიდან ადგილი ჰქონდა სიტყვიერ შეურაცხყოფას.

კაკაბაძის თქმით, პროცესს "ზონდერები" ესწრებიან, რაც მათთვის მიუღებელია. ირაკლი კაკაბაძე მოითხოვს, რომ მკვლელებს და მათ დამცველებს არ მიეცეს დარბაზში შესვლის საშუალება.

ირაკლი კაკაბაძემ და სოსო რობაქიძემ მანდატურის სამსახურის წარმომადგენლებს სთხოვეს, რომ აღკვეთის გამოცხადების დროს მკაცრად გააკონტროლონ, თუ ვინ დაესწრება პროცესს და შეუშვან მხოლოდ ჭირისუფალი და დაზარალებულის წარმომადგენელი.