ახლა უკვე გაჩნდა იმედის ნაპერწკალი, თუმცა, ჩვენ არ გვაქვს ილუზიები, - ეს კომენტარი გერმანიის კანცლერმა, ანგელა მერკელმა მინსკში "ნორმანდიული ოთხეულის" შეხვედრის დასრულების შემდეგ გააკეთა. ამის შესახებ უკრაინული მედია იტყობინება.

ანგელა მერკელის თქმით, აღმოსავლეთ უკრაინაში კონფლიქტის დასრულების მიზნით, კიდევ ბევრი რამ არის გასაკეთებელი, რისთვისაც მხარეებს ბევრი მუშაობა მოუწევს.

რუსეთის, უკრაინის, გერმანიისა და საფრანგეთის ლიდერებმა მინსკში გამართული შეხვედრის შედეგად მიაღწიეს გარკვეულ შეთანხმებას, რომლის მიხედვითაც 15 თებერვლიდან დონბასში ცეცხლი უნდა შეწყდეს.