საფრანგეთის პრეზიდენტმა ფრანსუა ოლანდმა და გერმანიის კანცლერმა ანგელა მერკელმა მინსკის მოლაპარაკებებზე უკრაინა გაწირეს საკუთარი ქვეყნების ეკონომიკური ინტერესების გამო. ამის შესახებ უკრაინულ სააგენტო "უნიანს" ევროპარლამენტის ვიცეპრეზიდენტმა იაცეკ ჩარნეცკიმ მინსკის მოლაპარაკებების კომენტირებისას განუცხადა.
"მერკელმა და ოლანდმა ევროკავშირის მონაწილეობის გარეშე და საკუთრი ქვეყნების ეკონომიკის დასაცავად უკრაინა გაწირეს. ეს მშვიდობა გაცილებით მომგებიანია მოსკოვისთვის, ვიდრე კიევისთვის, რადგან ეს დეფაქტოდ რუსეთის მიღწევის პოლიტიკურ სანქცირებას იწვევს. ეს არ არის უკრაინის გამარჯვება. ვფიქრობ, დღეს რუსეთში უფრო უხარიათ, ვიდრე უკრაინაში", - განაცხადა ჩარნეცკიმ.
მისი თქმით, ევროპულ სახელმწიფოთა ნაწილს სურდა ნებისმიერ ფასად ჰქონოდათ სიმშვიდე და მათ ეს გამოუვიდათ.
"თუ ვინმეს ჰგონია, რომ სეპარატისტებს არ მოესურვებათ უკრაინის მიწის ერთი ასეული ან ჰექტარი მიითვისონ, ძალიან ცდება", - განაცხადა ევროპარლამენტის ვიცეპრეზიდენტმა.
