მოსკოვში, სახაროვის ცენტრში ბორის ნემცოვის სამოქალაქო პანაშვიდი მიმდინარეობს. პანაშვიდი ადგილობრივი დროით 14:00 საათამდე გაგრძელდება, რის შემდეგაც ბორის ნემცოვს ტროეკუროვსკოეს სასაფლაოზე დაკრძალავენ.
ნემცოვის დაკრძალვაზე დასასწრებად მოსკოვში სხვადასხვა ქვეყნებიდან პოლიტიკოსები ჩადიან. დაკრძალვაზე დასწრების სურვილი გამოთქვეს პოლონეთის სენატის სპიკერმა, ბოგდან ბორუსევიჩმა და ლატვიელმა ევროპარლამენტარმა, სანდრა კალიენტემ, თუმცა ისინი რუსეთში არ შეუშვეს.
რუსი ოპოზიციონერი ბორის ნემცოვი მოსკოვის ცენტრში 27 თებერვალს, გვიან ღამით მოკლეს.