რუსი ოპოზიციონერი, ილია იაშინი აცხადებს, რომ ბორის ნემცოვის მიერ მომზადებულ ანგარიშს გამოაქვეყნებს. ამის შესახებ იაშინმა ბრიტანულ გამოცემა The Times-ს განუცხადა. მისი თქმით, დოკუმენტში უკრაინის კონფლიქტში რუსული სამხედრო ტექნიკის მონაწილეობის შესახებაა საუბარი და ამის დამადასტურებელი სამხილებია მოყვანილი.

ილია იაშინი ასევე აცხადებს, რომ ანგარიშის სრული ვერსია ბორის ნემცოვს საკუთარ სახლში კომპიუტერში ჰქონდა შენახული, რომელიც მისი მკვლელობის შემდეგ პოლიციამ ამოიღო.

თუმცა, ნემცოვის თანამოაზრე იაშინი ამბობს, რომ ის ცდილობს ყველა მნიშვნელოვანი სამხილის მოძებნას, რასაც საზოგადოება მალე იხილავს.