ზურაბ ჟვანიას საქმეზე ბრალდებულ ლევან ჩაჩუას მიმართ განაჩენი 16 მარტს გამოცხადდება

ზურაბ ჟვანიას საქმეზე ბრალდებული ექსპერტის ლევან ჩაჩუას მიმართ განაჩენი 16 მარტს გამოცხადდება. დღევანდელ პროცესზე კი საქმის არსებითი განხილვა დასრულდა. ბრალდების მხარემ რეპლიკა თქვა, ხოლო ბრალდებულმა ლევან ჩაჩუამ საბოლოო სიტყვა. მხარეებს განაჩენთან დაკავშირებით განსხვავებული მოლოდინები აქვთ, კერძოდ, დაცვის მხარე ელოდება, რომ ლევან ჩაჩუას მიმართ გამამართლებელი განაჩენი დადგება.

როგორც ჩაჩუას ერთ-ერთმა ადვოკატმა გიორგი ფანცულაიამ პროცესის დასრულების შემდეგ განაცხადა, საქმეში არ არსებობს არც ერთი მოწმე და არანაირი მტკიცებულება, რომელიც ჩაჩუას რაიმე დანაშაულზე მიუთითებს. ადვოკატი სწორედ აქედან გამომდინარე ვარაუდობს, რომ გამამართლებელი განაჩენი დადგება, წინააღმდეგ შემთხვევაში კი, როგორც მან განაცხადა, დაცვის მხარე განაჩენს სააპელაციო წესით გაასაჩივრებს.

კომენტარი პროცესის დასრულების შემდეგ გააკეთა პროკურორმაც. როგორც რევაზ ნადომ აღნიშნა, მან ბრალდებულის საბოლო სიტყვაში რაიმე არსებითი ვერ მოისმინა.

პროკურორის შეფასებით, საბოლოო სიტყვა ემოციებზე იყო აგებული. რაც შეეხება განაჩენს, როგორც პროკურორმა აღნიშნა, ბრალდების მხარეს სასამართლოში წარდგენილი აქვს ისეთი მტკიცებულებები, რომელიც საკმარისია იმისათვის, რომ ლევან ჩაჩუას მიმართ გამამტყუნებელი განაჩენი დადგეს.

პროკურორმა განმარტა ის მუხლი, რომლითაც ჩაჩუას ბრალი აქვს წარდგენილი, კერძოდ, სამსახურებრივი გულგრილობა. ნადოის თქმით, აღნიშნული მუხლი ძირითად სასჯელად ითვალისწინებს ჯარიმას, ასევე ორ წლამდე პატიმრობას.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს