"ბიბლუსი გალერეაში" დღეს, პროექტ "ლიბერთინსის" ფარგლებში გამოცემული მესამე წიგნი - მსოფლიო ბესტსელერი, ჰოლი სმეილის ,,გიკი გოგო" 10 ლარის ნაცვლად მხოლოდ 3 ლარად გაიყიდება.

როგორც "ინტერპრესნიუსს" "ბიბლუსი გალერეადან" აცნობეს, აქცია მხოლოდ ერთი დღით, 16 მარტს, 19:00 საათზე, "ბიბლუსი გალერეაში" (ჭავჭავაძის 7), მხოლოდ აღნიშნულ ფილიალში და მხოლოდ ერთი საათით გაგრძელდება.

"წიგნი პროექტის LiberTeens ფარგლებში გამოიცა, რაც იმას ნიშნავს, რომ თინეიჯერებმა ეს და სხვა ნაწარმოებები, რომლებიც მოგვიანებით გამოვა, თავად შეარჩიეს. ,,შენი თაობის არჩევანი"" - ასეთია სლოგანი, რომელიც იმ მოზარდებს აერთიანებს, რომლებიც LiberTeens-ის წევრები არიან", - აცხადებენ "ბიბლუსი გალერეაში".

პროექტის პირველი წიგნი ჯეიმზ დაშნერის ,,ლაბირინთში მორბენალი" გაყიდვაში დეკემბრის თვეში გამოვიდა და უპრეცედენტო გამოხმაურება ჰქონდა.

"პირველ დღეს აქციაზე წიგნის შესაძენად რიგში 1000-მდე ადამიანი მოთმინებით ელოდა მსოფლიო ბესტსელერს. მეორე წიგნის ,,თუ დავრჩების" აქციის დღეს მაღაზიასთან მოსული მკითხველის რაოდენობამ კი თითქმის 1500 მიაღწია", - განმარტავენ "ბიბლუსი გალერეაში".