"საბას" ლაურეატი ავტორის TORESA MOSSY-ს მეორე წიგნის "მე/შენ ქრისტე ხარ" პრეზენტაცია "ბიბლუსი გალერეაში" 26 მარტს გაიმართება.

როგორც "ინტერპრესნიუსს" გამომცემლობა "პალიტრა L"-დან აცნობეს, ერთ წიგნად "მე/შენ ქრისტე ხარ" გამოცემულ რომანსა და რამდენიმე მოთხრობაში მწერალი TORESA MOSSY მკითხველს გააცნობს თანამედროვე ადამიანს, მის ყოველდღიურ ცხოვრებასა და სულიერ მდგომარეობას.

წიგნი გამომცემლობა "პალიტრა L"-მა გამოსცა. წიგნში განსხვავებული პერსონაჟები საკუთარ ამბებს ჰყვებიან, მსჯელობენ, კამათობენ. ყველაფერი ეს კი მთელი სამყაროა, ცხოვრება, სადაც პიროვნება და სულიერება ერთმანეთს ებრძვის. TORESA MOSSY პრემია "საბა"-ს გამარჯვებული 2014 წელს საუკეთესო დებიუტისთვის გახდა, წიგნით "სიბრძნე სიცრუისა" .