საქართველოს ლატარიის კომპანიის ბეთინგ ცენტრს ლოტო 6/36-ის, #543-ე გათამაშების გამარჯვებული ეწვია. როგორც "ინტერპრესნიუსს" ლატარიის კომპანიიდან აცნობეს, ტატო კაკალაშვილმა ლოტოს ბილეთი პირველად იყიდა და მის მიერ არჩეული რიცხვებით, მეორე საპრიზო კატეგორიაში სოლიდური თანხა - 16,079 ლარი მოიგო.

მათივე განმარტებით, დღესვე, ბილეთმა გაირა ვალიდაციის პროცედურა, გამარჯვებულმა გახსნა ბანკში პირადი ანგარიში, სადაც მას ჩაერიცხა კუთვნილი მოგება.

"საქართველოს ლატარიის კომპანია ექსკლუზიური უფლების მქონე ლიცენზირებული ოპერატორია, რომელიც საზოგადოებას ლატარიის სხვადასხვა თამაშობებს სთავაზობს, მათ შორის ეროვნული ლატარიის სახეობას - ლოტო 6/36, რომელიც ქვეყნის მასშტაბით მოქალაქეებს უპრეცედენტოდ მაღალი ფულადი მოგების შანსს აძლევს. კომპანიას მოგების სახით, დაარსებიდან დღემდე მხოლოდ ლოტოში გაცემული აქვს 41,676,581 ლარი", - აცხადებენ კომპანიაში.