შინაგან საქმეთა მინისტრმა, ვახტანგ გომელაურმა ქობულეთში, ხანძრის დროს დაღუპული ბავშვების ოჯახის წევრებს მიუსამძიმრა. ამის შესახებ "ინტერპრესნიუსს" შინაგან საქმეთა სამინისტროს პრესსამსახურიდან აცნობეს.

"მე მინდა მათ ოჯახებს მივუსამძიმრო. ძალიან საშინელი რაღაც მოხდა, ძალიან დიდი უბედურება. გამოძიება მიმდინარეობს და გამოიკვეთება, ალბათ, თუ საიდან გაჩნდა ხანძრის კერა და ვისი ბრალეულობა იყო ეს, თვითონ სასტუმროს ადმინისტრაციის თუ თვითონ დამსვენებლების. მე ვერაფერს ვიტყვი ახლა, გამოძიება მიმდინარეობს", - განაცხადა ვახტანგ გომელაურმა.

ქობულეთში მომხდარ ხანძარს სამი მოზარდი ემსხვერპლა.