გიორგი მარგველაშვილმა ქობულეთში გარდაცვლილი ბავშვების მშობლებს მიუსამძიმრა

საქართველოს პრეზიდენტმა,  გიორგი მარგველაშვილმა რუსთავში, ვახტანგ გორგასლის სახელობის ტაძარში ქობულეთში გარდაცვლილი ბავშვების მშობლებს და ოჯახის წევრებს მიუსამძიმრა.

პრეზიდენტთან ერთად სამძიმარზე უშიშროების საბჭოს მდივანი ირინა იმერლიშვილიც იმყოფებოდა.

"შეუძლებელია,  დღეს ანუგეშო ამ საშინელი ტრაგედიის ჭირისუფალნი,  შეიძლება გაიზიარო მათი უზარმაზარი ტკივილი. მთელი ქართველი საზოგადოების სახელით მივუსამძიმრე. დიდი დანაკლისია, რომელსაც ვერაფერი ვერ გადაფარავს. ჩვენ ყველა თანამოზიარე ვართ ამ დიდი ტრაგედიის", - განაცხადა საქართველოს პრეზიდენტმა გიორგი მარგველაშვილმა.

მეოთხე დღეა,  რუსთავში, ვახტანგ გორგასლის სახელობის საკათედრო ტაძარში ანსამბლ "სიხარული 2"-ის წევრი ბავშვების სამოქალაქო პანაშვიდი მიმდინარეობს.

გუშინ საღამოს ცნობილი გახდა დნმ-ის პასუხები, რის მიხედვითაც მოხდა ხანძრის შედეგად გარდაცვლილი ბავშვების იდენტიფიცირება.

როგორც "ინტერპრესნიუსთან" საუბარში რუსთავის მერმა დავით ჯიქიამ განაცხადა, დაკრძალვის ორგანიზებას და მასთან დაკავშირებული ხარჯების ანაზღაურებას მთლიანად ადგილობრივი ხელისუფლება მოახდენს.

არსებული ინფორმაციით, ბავშვებს   შაბათს, 14.00 საათზე დაკრძალავენ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს