თურქმენეთის მოქმედ პრეზიდენტს, გურბანგული ბერდი-მუჰამედოვს დედაქალაქ აშხაბადში ძეგლი დაუდგეს. "ბი-ბი-სის" ცნობით, 21 მეტრის სიმაღლის მოოქროვილი მონუმენტი ქალაქის ცენტრში დღეს საზეიმოდ გახსნეს. ცხენზე ამხედრებული პრეზიდენტის ძეგლის აღმართვის გადაწყვეტილება თურქმენეთის პარლამენტმა მოქალაქეების მიმართვის საფუძველზე მიიღო.

მონუმენტის გახსის ცერემონიას ასობით ადამიანი დაესწრო. ღონისძიების ფარგლებში ცაში საჰაერო ბურთები და მტრედები გაუშვეს. თავად პრეზიდენტი მონუმენტის გახსნის ცერემონიას არ დასწრებია. გურბანგული ბერდი-მუჰამედოვი თურქმენეთს 2006 წლის შემდეგ უდგას სათავეში.