სტრასბურგის ადამიანის უფლებათა ევროპული სასამართლო იტალიისგან მოითხოვს ერთსქესიან წყვილებს მეტი უფლებები მიანიჭოს.

ასეთი წყვილების უღიარებლობა ეწინააღმდეგება ადამიანის უფლებას კერძო და ოჯახური ცხოვრების შესახებ. "დოიჩე ველეს" ინფორმაციით, ამის შესახებ ნათქვამია სასამართლოს განცხადებაში, რომელიც დღეს გამოქვეყნდა. სასამართლო რომს მოუწოდებს, მიანიჭოს სამართლებრივი შესაძლებლობები ერთსქესიანებს ურთიერთობის გასაფორმებლად, კერძოდ კი, აღიაროს დარეგისტრირებული პარტნიორობა - სამოქალაქო კავშირი ლგბტ საზოგადოების წარმომადგენლებისთვის.