ძლიერი წვიმის შედეგად ბათუმში, რამდენიმე ქუჩა, მათ შორის 26 მაისის ქუჩის ნაწილი, პუშკინიდან ბაგრატიონის ქუჩების კვეთამდე, დაიტბორა.
როგორც "ინტერპრესნიუსის" კორესპონდენტი იტყობინება, დაიტბორა საცხოვრებელი სახლების პირველი სართულები, საიდანაც წყლის ამოტუმბვა მიმდინარეობს. ადგილზე მუშაობენ სამაშველო და სახანძრო სამსახურების წარმომადგენლები. ამჟამად ბათუმში აღარ წვიმს.
იხილეთ ვიდეო: ძლიერი წვიმა ბათუმში: დატბორილი ქუჩები და წყალში ჩარჩენილი მანქანები
