ბათუმში სამაშველო სამსახური წუხელ 300-ჯერ გამოიძახეს
ბათუმში, ღამის განმავლობაში, სახანძრო-სამაშველო სამსახური 300-ჯერ გამოიძახეს. ძლიერი წვიმის გამო, ბათუმში რამდენიმე ქუჩაა დატბორილი.
როგორც "ინტერპრესნიუსს" სამაშველო სამსახურის წარმომადგენელმა ზვიად ჯაფარიძემ განუცხადა, სამაშველო სამსახური მთელი ღამე მუშაობდა, გამოძახებები შეეხებოდა სახლების დატბორვას და დატბორილი ქუჩებიდან ავტომობილების გამოყვანას.
მისივე ინფორმაციით, დატბორილ ობიექტებზე წყლის დონემ იკლო და სამაშველო სამსახური ამოტუმბვით სამუშაოებს ამ წუთებშიც აწარმოებს.
ბათუმში ამ დროისთვის აღარ წვიმს.
იხილეთ ვიდეო: ბათუმი წვიმის შემდეგ: დატბორილი ობიექტები და სამაშველო სამუშაოები ქალაქში
