პროკურატურის მადლობელი ვარ, - ამის შესახებ იური ვაზაგაშვილის მეუღლემ ციალა შანავამ განაცხადა. მისი შეფასებით, მეუღლის მკვლელობის საქმეზე გამოძიების მიმდინარეობით, კმაყოფილია.

რაც შეეხება იური ვაზაგაშვილოს მკვლელობაში ბრალდებული გია სოსანაშვილის პროცესის გუშინ პროტესტის ნიშნად დატოვებას, ციალა შანავამ განმარტა, რომ იგი არ ელოდა პოლიციის მთავარი სამმართველოს უფროსის მოადგილის ნიკოლოზ სამარღანიშვილის მოწმის სახით დაკითხვას.

"სამარღანიშვილი კორტების სპეცოპერაციისას ჩემი შვილის მკვლელობის მონაწილეა. ვერ ავიტანე ეს. პროკურატურის მუშაობით კმაყოფილი ვარ. ჩვენ ვთანამშრომლობთ ერთმანეთთან", - განაცხადა ციალა შანავამ, რომელიც გუშინდელი განცხადების მიუხედავად გია სოსანაშვილის წინააღმდეგ საქმის განხილვას დღეს დაესწრო.

იური ვაზაგაშვილის და, მანანა ვაზაგაშვილი აცხადებს, რომ მას იმედი აქვს, მკვლელობის შემკვეთები მალე გამოვლინდებიან.

"ეჭვი მაქვს და თავიდანვე ვამბობდი, რომ მკვლელობის შემკვეთები ფირცხალავა და მისი ბანდაა", - განაცხადა მანანა ვაზაგაშვილმა.

გია სოსანაშვილის წინააღმდეგ საქმის განხილვა 1-ელ ოქტომბერს, 11 საათზე განახლდება.