მარტვილში, 17:00 საათის მონაცემებით, ამომრჩეველთა 33-მა პროცენტმა მისცა ხმა

მარტვილის საარჩევნო ოლქში, 17:00 საათის მონაცემებით, 11 ათას 84-მა ამომრჩეველმა მისცა ხმა. ეს ამომრჩეველთა რაოდენობის 33, 08 პროცენტია.

65-ე საოლქო საარჩევნო კომისიაში "ინტერპრესნიუსს" განუცხადეს, რომ ამ დროისთვის ამომრჩეველთა აქტივობამ იმატა.

ამასთან, მათივე ინფორმაციით, საოლქოში ცხრა საჩივარია შესული. კომისიი თავმჯდომარის, გრიგოლ ბართაიას თქმით, საჩივრები პროცედურულ დარღვევებს ეხება.

მარტვილში პარლამენტში მანდატის მოსაპოვებლად ორი კანდიდატი იბრძვის. "ქართული ოცნებიდან" სოსო დანელია და "პატრიოტთა ალიანსიდან" - ეთერ მეძველია.