უკრაინაში აფხაზური და ოსური სანომრე ნიშნების მქონე სატრანსპორტო საშუალებებს დააჯარიმებენ

უკრაინაში აფხაზური და ოსური სანომრე ნიშნების მქონე სატრანსპორტო საშუალებებს დააჯარიმებენ, რადგან უკრაინა აფხაზეთისა და ე.წ. სამხრეთ ოსეთის დამოუკიდებლობას არ აღიარებს. ინფორმაციას ამის შესახებ უკრაინის საპატრულო პოლიცია "ფეისბუქის" ოფიციალურ გვერდზე აქვეყნებს. განცხადების თანახმად, სამართალდამცავმა ორგანომ ქვეყნის საგარეო საქმეთა სამინისტროს, აფხაზეთისა და ე.წ.სამხრეთ ოსეთის სამართლებრივი სტატუსის შეფასების თხოვნით მიმართა.

"საგარეო საქმეთა სამინისტროში აღნიშნეს, რომ უკრაინა ე.წ. "რესპუბლიკებს" დამოუკიდებელ ან სხვა სახელმწიფოების ნაწილებად არ აღირებს, არამედ საქართველოს ნაწილად მიიჩნევს. ამიტომ ამ და სხვა არაღიარებული ფორმირებების სატრანსპორტო საშუალებების სანომრე ნიშნები - ნიშნების არარსებობის ექვივალენტია", - ნათქვამია განცხადებაში.

უკრაინის საპატრულო პოლიციის განმარტებით, მსგავსი სანომრე ნიშნების მქონე სატრანსპორტო საშუალებების უკრაინის ტერიტორიაზე დაფიქსირების შემთხვევაში, სამართალდამცავი ორგანო კანონის შესაბამისად იმოქმედებს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს