საქართველოს სპორტისა და ახალგაზრდობის საქმეთა მინისტრმა ტარიელ ხეჩიკაშვილმა პარიზში, 13 ნოემბერს მომხდარ ტრაგიკულ მოვლენებთან დაკავშირებით ფრანგ ხალხს, დაღუპულთა ოჯახებსა და ახლობლებს სამძიმარი გამოუცხადა.
მინისტრმა საკრებულოში გახსნილ სამძიმრის წიგნში დღეს ჩანაწერი გააკეთა და აღნიშნა, რომ ტრაგედია, რომელიც პარიზში დატრიალდა, მთელ ცივილიზებულ მსოფლიოს და ერებს აერთიანებს სამყაროს უდიდესი ბოროტების - ტერორიზმის წინააღმდეგ.
თბილისის საკრებულოში ფრანგი ხალხის თანაგრძნობისთვის სამძიმრის წიგნი გაიხსნა. თბილისის საკრებულოს ფოიეში მოწყობილია სპეციალური ადგილი, სადაც მოქალაქეებს, საქართველოში აკრედიტებულ დიპლომატიური კორპუსის წარმომადგენლებს, მთავრობის წევრებს შეუძლიათ, სამძიმრის წიგნში ჩანაწერი გააკეთონ და 13 ნოემბრის ტერაქტების გამო ფრანგ ხალხს მიუსამძიმრონ.