ევროკავშირის ყველა წევრმა ქვეყანამ უკრაინის ევროკავშირთან ასოცირების შეთანხმების რატიფიცირება განახორციელა. ამის შესახებ "თვითერის" საკუთარ მიკრობლოგში უკრაინის პრეზიდენტმა პეტრო პოროშენკომ დაწერა.
"ბრიუსელის პარლამენტმა უკრაინის ასოცირების შესახებ შეთანხმების რატიფიცირება განახორციელა. ახლა უკვე ჩვენთან ასოცირების ხელშეკრულება ყველა ქვეყანას აქვს რატიფიცირებული", - წერს უკრაინის პრეზიდენტი.