პროკურორი - ნაფიცმა მსაჯულებმა გიორგი ოქროპირიძის დანაშაულებრივ ქმედებას ღირსეული პასუხი გასცეს
ნაფიცებმა ღირსეული პასუხი გასცეს გიორგი ოქროპირიძის დანაშაულებრივ ქმედებას, რომელმაც სრულიად უმიზეზოდ სიცოცხლე მოუსპო ახალგაზრდა ადამიანს, - ამის შესახებ ოქროპირიძის მიმართ გამამტყუნებელი ვერდიქტის გამოცხადების შემდეგ საქმის ერთ-ერთმა პროკურორმა, დავით ნეფარიძემ განაცხადა.
"დღევანდელ სასამართლოს სხდომაზე ქართული საზოგადოების 15-მა ღირსეულმა წარმომადგენელმა – ნაფიცმა მსაჯულებმა მიიღეს სწორი და სამართლიანი გადაწყვეტილება. მათ ღირსეული პასუხი გასცეს ოქროპირიძის დანაშაულებრივ ქმედებას, რომელმაც სრულიად უმიზეზოდ სიცოცხლე მოუსპო ახალგაზრდა პიროვნებას", - განაცხადა დავით ნეფარიძემ. მისი შეფასებით, მსაჯულების ვერდიქტი არის აბსოლუტურად სამართლიანი და კანონიერი.
ხვალ, 13:00 საათზე სასჯელის დანიშვნის სხდომაა ჩანიშნული გიორგი ოქროპირიძის მიმართ გამოტანილ ვერდიქტზე.
ნაფიცმა მსაჯულებმა ოქროპირიძე იარაღის უკანონო შეძენა-შენახვა-ტარების ნაწილში გაამართლეს და განზრახ მკვლელობის ნაწილში გაამტყუნეს.
v-if="article.gallery" v-html="article.gallery"
