თითქმის 8 საათი მიმდინარეობდა იმ ბინის დათვალიერება, სადაც ვახტანგ ქირიას ცხედარი იპოვეს

ბინის დათვალიერება, სადაც პროკურორ ვახტანგ ქირიას ცხედარი იპოვეს, თითქმის 8 საათი მიმდინარეობდა. ექსპერტ-კრიმინალისტებთან ერთად, დათვალიერებაში მონაწილეობდა დამოუკიდებელი ექსპერტი მაია ნიკოლაიშვილი. მისი თქმით, შემთხვევის ადგილის დათვალიერების დროს, საინტერესო დეტალები ნახა, თუმცა ამ ეტაპზე ვერაფერს იტყვის.

"საინტერესო საკითხები იყო, რაზეც ვერ ვისაუბრებ. ეს ყველაფერი ამოღებულია. ლაბორატორიული კვლევებისთვის გადაიგზავნა საკმაოდ საინტერესო მასალა, რომელიც იმედი მაქვს, რომ ბევრ მნიშვნელოვან საკითხს შემატებს გამოძიებას", - განაცხადა მაია ნიკოლაიშვილმა.

დამოუკიდებელი ექსპერტი "საქართველოს ხმის" დამფუძნებლის, გარდაცვლილი ბიძინა კუჭავას ოჯახის თხოვნით, დაათვალიერებს იმ ავტომობილსაც, რომელშიც კუჭავამ გამოძიების ინფორმაციით, თავი მოიკლა.

სასამართლო-სამედიცინო ექსტპერტიზებში მონაწილეობის უფლება მაია ნიკოლაიშვილს თბილისის პროკურორ მიხეილ შაყულაშვილთან შეხვედრისას მიეცა.

ბიძინა კუჭავას ოჯახი და ადვოკატები შაყულაშვილს გასულ კვირას შეხვდნენ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს