ადვოკატი და დამოუკიდებელი ექსპერტი დღეს იმ მანქანას დაათვალიერებენ, რომელშიც ბიძინა კუჭავამ თავი მოიკლა

"საქართველოს ხმის" დამფუძნებლის, ბიძინა კუჭავას ოჯახის ადვოკატი ნათია კორკოტაძე და დამოუკიდებელი ექსპერტი მაია ნიკოლეიშვილი დღეს იმ მანქანას დაათვალიერებენ, რომელშიც, გამოძიების ინფორმაციით, კუჭავამ თავი მოიკლა.

როგორც ცნობილია, აღნიშნული ავტომობილი ეკუთვნის დავით პოპოვს, რომელიც ბიძინა კუჭავას და მოკლული პროკურორის, ვახტანგ ქირიას საქმის მთავარი მოწმეა.

"ML"-ის ტიპის ავტომობილი სამართალდამცავებმა იუსტიციის სამინისტროსთან შენიშნეს. აღნიშნულ ავტომობილში ბიძინა კუჭავა დავით პოპოვთან და მის მეუღლესთან ერთად იმყოფებოდა. სამართალდამცავების გამოჩენის დროს კი, გამოძიების ინფორმაციით, კუჭავამ ცეცხლსასროლი იარაღიდან გასროლის შედეგად თავი მოიკლა.

კუჭავას ოჯახი და ადვოკატი გამოძიების აღნიშნულ ვერსიას საეჭვოდ მიიჩნევენ, ისინი გამოძიების მასალების გადაცემას და ბოლომდე გაცნობას ითხოვენ.

ამასთან, როგორც ბიძინა კუჭავას ოჯახის ადვოკატი ნათია კორკოტაძე აცხადებს, კვირის ბოლომდე შეიტანს სარჩელს, შინაგან საქმეთა მინისტრის მოადგილის, არჩილ თალაკვაძის წინააღმდე, რომელმაც, ბიძინა კუჭავა სატელევიზიო ეთერში "მკვლელად" მოიხსენია. ადვოკატის შეფასებით, თალაკვაძემ უდანაშაულობის პრეზუმფცია დაარღვია.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს