ევროკავშირის პოლიტიკური სტრუქტურის ხელმძღვანელობის გადაწყვეტილება ადასტურებს, თუ რა პოზიციაზე დგას დღეს საქართველო მსოფლიოში, - ამის შესახებ "ინტერპრესნიუსს" საპარლამენტო უმრავლესობის ერთ-ერთმა ლიდერმა გია ვოლსკიმ განუცხადა.

"ევროკომისიის გადაწყვეტილება ადასტურებს, რომ საქართველო არის ჩამოყალიბებული ქვეყანა, რომელმაც მძლავრი ნაბიჯები გადადგა წინ. იმედია განხილვა, რომელიც ბოლომდე უკვე პარლამენტარებმა უნდა მიიყვანონ, ჩვენი ქვეყნისთვის პოზიტიური იქნება", - აღნიშნა ვოლსკიმ.

ევროკომისიამ ევროკავშირის საბჭოს და ევროპარლამენტს საქართველოსთან უვიზო რეჟიმის დაწესების წინადადებით მიმართა.