ევროკავშირ-საქართველოს შორის უვიზო მიმოსვლის საკითხთან დაკავშირებული პროცედურის დაწყება არის ნაბიჯი საქართველოს ევროინტეგრაციის გზაზე, - ამის შესახებ ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა მთავრობის სხდომის დასრულების შემდეგ განაცხადა.

სუბარმა საქართველოს მოსახლეობას მიულოცა "ის ძალიან მნიშვნელოვანი ნაბიჯი, რომელიც ევროკომისიის მხრიდან იყო გადადგმული".

"ეს არის ნაბიჯი საქართველოს ევროინტეგრაციის გზაზე. მოხდა საქართველოს აღიარება, ქვეყანამ შეასრულა ყველა ნაკისრი ვალდებულება დემოკრატიული განვითარების გზაზე. ეს არის ჩვენი დემოკრატიული რეფორმების ლოგიკური შედეგი და დარწმუნებული ვარ, ზაფხულში საქართველოს მოქალაქეებს შეეძლებათ თავისუფლად იარონ უვიზოდ ევროპის ქვეყნებში", -განაცხადა სუბარმა.