ჩუღურეთის რაიონში საყრდენი კედლების მშენებლობა მიმდინარეობს. როგორც "ინტერპრესნიუსს" თბილისის მერიიდან აცნობეს, ჩუღურეთის რაიონში ინფრასტრუქტურული პროექტების განხორციელება გრძელდება.

როგორც მერიაში აცხადებენ, დოქის ქ. N9 -ში, ართვინის ქუჩის პირველ ჩიხსა და დავითაშვილის ქ. N40ა-ში მიმდინარეობს საყრდენი კედლის ხიმინჯების მოწყობა. სამუშაოების დასრულების შემდეგ, სამივე ობიექტზე მონოლითური რკინა-ბეტონის საყრდენი კედელი ჩაისხმება.

მერიის ინფორმაციით, ჩუღურეთის რაიონში, ამ ეტაპზე, 8 მისამართზე გრუნტის დამჭერის საყრდნის კედლის მშენებლობა მიმდინარეობს. აღნიშნული სამუშაოები ჩუღურეთის გამგეობამ 400 ათასი ლარით დააფინანსა.

მერიის განცხადებით, 2016 წლის ბოლოსთვის, ჩუღურეთის რაიონში საყრდენი კედლის მოწყობა 25 მისამართზე დასრულდება.