ბრიუსელის ტერაქტში ეჭვმიტანილი მესამე პირი გაქცეულია. ამის შესახებ "ბიბისი" ბელგიის პროკურორზე დაყრდნობით წერს. გავრცელებული ცნობით, მისი ჩანთა, რომელშიც ასაფეთქებელი მოწყობილობა იყო მოთავსებული, არ აფეთქდა, რის შემდეგაც იგი გაიქცა. მისი დაკავების მიზნით, ამ დროისთვის პოლიცია სპეცოპერაციას ატარებს ქალაქ ანდერლეხტში. მანამდე გავრცელდა ინფორმაცია, რომ იგი დააკავეს, თუმცა, მოგვიანებით უარყვეს.
გუშინ ბრიუსელის აეროპორტსა და მეტროში ტერაქტების სერია განხორციელდა. შედეგად დაიღუპა 31 ადამიანი, 261 კი დაშავდა.