ზურაბ ნაყეური - ”მაესტროს” თანამშრომლების ხელფასების პრობლემა უკვე მოგვარებულია

”მაესტროს” ახალი გენერალური დირექტორი ზურაბ ნაყეური საკუთარი სამსახურებრივი მოვალეობის შესრულებას 7 აპრილიდან შეუდგება.

როგორც ”ინტერპრესნიუსს” სატელეფონო საუბრისას ზურაბ ნაყეურმა განუცხადა, ის უახლოეს მომავალში აპირებს დარეგისტრირებას საჯარო რეესტრში, რის შემდეგაც დაიწყებს საკუთარი მოვალეობის შესრულებას. მისი ინფორმაციით, პირველი რიგის ამოცანა იქნება ტელეკომპანია „მაესტროს“ ფინანსური ნაკადების პრობლემის მოგვარება.

ზურაბ ნაყეურის ინფორმაციით, ტელეკომპანია „მაესტროს“ თანამშრომლებს დღეს უკვე ჩაერიცხათ ხელფასები.

„თანამშრომლებთან შეხვედრას ვგეგმავ. ზეგ დილიდან შევუდგები ჩემი მოვალეობის შესრულებას. ჩემი დღე დაიწყება იმით, რომ თანამშრომლებთან და მათ უფროსებთან მექნება შეხვედრა. რაც შეეხება ხელფასებს, ჩემს ხელთ არსებული ინფორმაციით, ხელფასების პრობლემა დღეს უკვე მოგვარებულია. არსებული ინფორმაციით, თანხა გადმორიცხულია და თანამშრომლებს მათ სახელფასო ბარათზე უკვე დღეს აესახებათ“, - განაცხადა ზურაბ ნაყეურმა „ინტერპრესნიუსთან“ საუბრისას.

რაც შეეხება ”მაესტროს” გენერალური დირექტორის მოადგილეებს, ზურაბ ნაყეურის თქმით, ამ ეტაპზე ჯერ არ არის ჩამოყალიბებული მოადგილეების საკითხთან დაკავშირებით.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს