"სამართლიანი არჩევნები” კორცხელის ინციდენტზე - მხოლოდ ცემა რომ არაა ადეკვატური კვალიფიკაცია, ეს ნამდვილად იკვეთება

მხოლოდ ცემა რომ არაა ადეკვატური კვალიფიკაცია, ეს ნამდვილად იკვეთება, - ამის შესახებ "ინტერპრესნიუსს" "სამართლიანი არჩევნების" აღმასრულებელმა დირექტორმა მიხეილ ბენიძემ კორცხელში მომხდარ ინციდენტზე დაწყებული გამოძიების გადაკვალიფიცირების საჭიროების საკითხზე კომენტირებისას განუცხადა.

ბენიძის შეფასებით, ვიდეოკადრებიდან სხვა დანაშაულის ნიშნებიც იკვეთება.

"ცალსახად ვერ ვიტყოდი, უნდა გადაკვალიფიცირდეს თუ არა საქმე, მაგრამ წესით და რიგით, აქამდე პოლიციას და პროკურატურას შესაბამისი მტკიცებულებების შესწავლის შემდეგ უნდა ჰქონოდა შესაბამისი კვალიფიკაციის მინიჭების საფუძველი. კადრებიდან იკვეთება პოლიციისთვის დაუმორჩილებლობის შემთხვევები. აქედან გამომდინარე, მხოლოდ ცემა რომ არაა ადეკვატური კვალიფიკაცია, ეს ნამდვილად იკვეთება. ასევე, შეიძლება საუბარი იყოს ხულიგნობაზე, ან რომელიმე სხვა სამართლებრივ მუხლებზე", - განაცხადა ISFED-ის აღმასრულებელმა დირექტორმა.

მიხეილ ბენიძე ასევე აღნიშნავს, რომ დაპირისპირების აღსაკვეთად ან განსამუხტად კორცხელში საკმარისი პოლიციელი არ იყო მობილიზებული. მისივე თქმით, სამართალდამცველებს ასევე არ ჰქონდათ ადეკვატური რეაგირება, პოლიციის თანდასწრებით, ფიზიკური შეურაცხყოფის ფაქტზე.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს