შეიარაღებული ძალების 25 წლის იუბილეზე კომპანია „სახელმწიფო კვებითი უზრუნველყოფა“ საველე სამზარეულოთია წარმოდგენილი
საქართველოს შეიარაღებული ძალების 25 წლის იუბილესთან დაკავშირებით გამართულ ღონისძიებაზე სტუმრებისა და სამხედროების კვებაზე „სახელმწიფო კვებითი უზრუნველყოფის“ კომპანია ზრუნავს.
„სახელმწიფო კვებითი უზრუნველყოფის“ კომპანიას ძველი იპოდრომის ტერიტორიაზე საველე სამზარეულო აქვს მოწყობილი, სადაც წარმოდგენილია შეიარაღებული ძალებისთვის განკუთვნილი ყოველდღიური საკვები, ხოლო დამატებით სტუმრებისთვის კომპანია ჰამბურგერებს ამზადებს.
როგორც „სახელმწიფო კვებითი უზრუნველყოფის“ კომპანიაში აცხადებენ, მათი საკვები სრულად აკმაყოფილებს ნატო-ს სტანდარტებს.
„დღეს წარმოდგენილია სახელმწიფო კვებითი უზრუნველყოფა და ვუერთდებით თავდაცვის სამინისტროს აქტივობას. ჩვენ მუდმივად ჯართან ვდგავართ და კვებით უზრუნველვყოფთ ჯარს. ჩვენ ნატო-ს სტანდარტებით უკვე ერთი წელია შეიარაღებულ ძალებს კვებით უზრუნველყოფას ვუწევთ. ჩვენი მომსახურების მაღალი ხარისხის დასტურია „ნობელ პარტნიორი 2016“-ის დროს ამერიკელების შეფასება, რომლებმაც აღნიშნეს, რომ ჩვენი მომსახურება სრულად თავსებადია ნატო-ს სტანდარტებთან. აქედან გამომდინარე ჩვენ განვითარების და წარმატების გზას ვაგრძელებთ. დღეს რაც შეეხება მუშაობას საველე პირობებში საველე სამზარეულოთი ვახორციელებთ, ეს არის ჯარის პროდუქტი, ანუ ის პროდუქტები, რითაც მარაგდება შეიარაღებული ძალები. შესაბამისად, ჩვენ გავუმასპინძლდებით როგორც სამოქალაქო პირებს, ასევე შეიარაღებულ ძალებს“, - განაცხადა „სახელმწიფო კვებითი უზრუნველყოფის“ დირექტორმა მირანდა მანჯგალაძემ.
