ნიცაში მყოფ ერთ-ერთ ქართველს ვერ პოულობენ, მისი ფრანგი მეუღლე კი გარდაცვლილია

ნიცაში მყოფ ერთ-ერთ ქართველს ვერ პოულობენ, მისი ფრანგი მეუღლე კი გარდაცვლილია - ინფორმაცია ამის შესახებ საზოგადოებრივ მაუწყებელს საფრანგეთში საქართველოს ელჩმა, ეკა სირაძე-დელონემ დაუდასტურა. მისი თქმით, ინფორმაცია მოქალაქის დაკარგვის შესახებ ცხელ ხაზზე შევიდა.

”სახელს და გვარს არ დავასახელებ. დადასტურებულია, რომ მისი მეუღლე, რომელიც საფრანგეთის მოქალაქეა, გარდაცვლილთა შორის არის და თავად პიროვნება არ დასტურდება არც გარდაცვლილთა და არც დაშავებულთა შორის. აქვე აღვნიშნავ, რომ ამ წუთისთვის გარდაცვლილთა მხოლოდ 1/3-ია ამოცნობილი. ჩვენ ვაგრძელებთ ძალისხმევას, რომ ამ პიროვნების შესახებ ინფორმაცია მოვიპოვოთ”, - განაცხადა ეკა სირაძე-დელონემ. ელჩის ინფორმაციით, დაკარგულის ახლობლები აცხადებენ, რომ ის გუშინ, მეუღლესთან ერთად ნიცაში იმყოფებოდა.

ბოლო მონაცემებით, ნიცაში თავდასხმის შედეგად დაღუპულთა რაოდენობა 84-მდე გაიზარდა. გუშინ, ადგილობრივი დროით 23:00-ზე ნიცაში, სადაც მოსახლეობა ეროვნულ დღესასწაულს, ბასტილიის აღების დღეს აღნიშნავდა, ხალხში სატვირთო ავტომობილი შევარდა და უამრავი ადამიანი გადასრისა, რის შემდეგაც იქ მყოფებს ცეცხლი გაუხსნა. ადგილზე მისულმა სამართალდამცველებმა თავდასხმელის ლიკვიდაცია მოახდინეს. პასუხისმგებლობა თავდასხმისთვის ჯერჯერობით არც ერთ დაჯგუფებას არ აუღია.

იხილეთ ვიდეო: ნიცაში მყოფ ერთ-ერთ ქართველს ვერ პოულობენ, მისი მეუღლე კი გარდაცვლილია

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს