თურქეთის ხელისუფლება მიიჩნევს, რომ სამხედრო გადატრიალების ლიდერი ქვეყნის სამხედრო-საჰაერო ძალების მეთაური, გენერალი აკინ ოზთურქია. შესაბამის ინფორმაციას „დოიჩე ველე“ ავრცელებს.
გამოცემის ცნობით, ანკარაში მიიჩნევენ, რომ ის „ხუნტის ფორმალური ხელმძღვანელი იყო“. სამხედრო გადატრიალების მცდელობამდე აკინ ოზთურქი თურქეთის უმაღლესი სამხედრო საბჭოს წევრი იყო.
მასთან ერთად, დაკავებულია თითქმის ასი გენერალი. თურქეთის პრეზიდენტი რეჯეფ თაიფ ერდოღანი მიიჩნევს, რომ გადატრიალების იდეოლოგი აშშ-ში მცხოვრები მუსლიმი მქადაგებელი ფეთჰულა გიულენია.
