თურქი სამართალდამცველები 25 სამხედრო პირს ეძებენ, რომლებსაც, გადატრიალების დროს, პრეზიდენტ რეჯეპ ტაიპ ერდოღანის მკვლელობა ჰქონდათ დავალებული. ინფორმაციას ამის შესახებ თურქული მედია ავრცელებს. სამძებრო ოპერაცია, ქვეყნის მთიან რეგიონში, მარმარისში მიმდინარეობს.

გავრცელებული ცნობით, ამბოხებული სპეცრაზმელები იმ სასტუმროს დაესხნენ თავს, რომელშიც თურქეთის პრეზიდენტი იმყოფებოდა. სამხედროები ვერტმფრენიდან სასტუმროს მიმართულებით ბაგირით დაეშვნენ და ცეცხლი გახსნეს. თუმცა ერდოღანმა ტერიტორია თავდასხმამდე რამდენიმე წუთით ადრე დატოვა.

დღესვე თურქეთის ვიცეპრემიერმა ნუმან ქურთულმუშმა განაცხადა, რომ 15 ივლისის სახელმწიფო გადატრიალების მცდელობის საქმეზე სასამართლო განხილვა 9322 ადამიანის მიმართ მიმდინარეობს.