გორის მუნიციპალიტეტის გამგებელი, დავით ონიაშვილი ოკუპირებული ტერიტორიის მოსაზღვრე სოფელ ქვემო სობისში იმყოფებოდა და გოგიჩაშვილების ოჯახის წევრებს პირადად გაესაუბრა.

როგორც ”ინტერპრესნიუსს” გორის მუნიციპალიტეტიდან აცნობეს, ამ დრომდე, სავარაუდოდ ცხინვალის იზოლატორში რჩება 17 წლის ჯონი გოგიჩაშვილი.

როგორც მისი ოჯახის წევრები აცხადებენ, ჯონის დას ჰქონდა რუს ე.წ. მესაზღვრეებთან ტელეფონით საუბარი.

მათივე ინფორმაციით, 17 წლის მოზარდი გუშინ, ბერშუეთის განაპირას რუსებმა აიყვანეს, ბრალდება ისევ ე.წ. საზღვრის გადაკვეთაა.

დავით ონიაშვილის განცხადებით, ინფორმირებულია და მუშაობს ყველა შესაბამისი უწყება, რომ არასრულწლოვანი საკუთარ სახლს მალე დაუბრუნდეს.