„აუდიტორია 115“-ის წევრებმა გია შარვაშიძეს მინისტრის მოადგილეობის დროს გაცემული დაპირება შეახსენეს

ივანე ჯავახიშვილის სახელობის თბილისის სახელმწიფო უნივერსიტეტის რექტორმა გია შარვაშიძემ „აუდიტორია 115“-ის სტუდენტებს თვითმმართველობის რეფორმის დაპირება კიდევ ერთხელ მისცა.

სტუდენტების კითხვაზე, რატომ არ შეასრულა ის დაპირებები, რომელიც განათლების მინისტრობის მოადგილეობის დროს გასცა, შარვაშიძემ უპასუხა, რომ ის დაპირებებს ყოველთვის ასრულებს. ერთ-ერთმა სტუდენტმა შარვაშიძეს მისი მინისტრის მოადგილეობის პერიოდი გაიხსენა, როცა პრემიერ-მინისტრთან და განათლების მინისტრთან ერთად „აუდიტორია 115“-ის სტუდენტების შეხვედრები მიმდინარეობდა. „აუდიტორია 115“-ის წევრის განცხადებით, მაშინ სტუდენტებმა მიიღეს დაპირება, რომ თვითმმართველობაში რეფორმები გატარდებოდა, თუმცა ეს ასე არ მოხდა.

”მე გიწვევთ ყველას მობრძანდეთ ჩვენთან, ერთად შევადგინოთ სტრატეგიული განვითარების გეგმა, თუ როგორი უნდა იყოს უნივერსიტეტი. მე ვფიქრობ, რომ ყველა სიკეთით სარგებლობა ყველა სტუდენტს უნდა შეეძლოს. რეფორმა, რაც წლის ბოლოს უნდა გატარდეს, ალბათ ამის გეგმა უკვე გვექნება”, - განაცხადა გია შარვაშიძემ.

სტუდენტებმა საერთო საცხოვრებლის პრობლემის შესახებაც მიმართეს რექტორს. შარვაშიძის თქმით, საცხოვრებლის პრობლემა უნდა მოგვარდეს და ამაში უნივერსიტეტის ფინანსები საკმარისი არ იქნება. შარვაშიძის თქმით, უნდა იქნას მოზიდული დაფინანსება, როგორც უნივერსიტეტის კურსდამთავრებულების მხრიდან, ასევე დონორების მხრიდან, რათა საცხოვრებლის პრობლემა მოგვარდეს.

ამ წუთებში თბილისის სახელმწიფო უნივერსიტეტის 115-ე აუდიტორიაში ”აუდიტორია 115”-ის წევრები თბილისის სახელმწიფო უნივერსიტეტის რექტორ გია შარვაშიძეს ხვდებიან.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა