ილიაუნში 18 ოქტომბერს ბორის აკუნინის მკითხველთან შეხვედრა გაიმართება
ილიას სახელმწიფო უნივერსიტეტში, 18 ოქტომბერს, ბორის აკუნინის მკითხველთან შეხვედრა გაიმართება.
როგორც „ინტერპრესნიუსს“ ილიას სახელმწიფო უნივერსიტეტიდან აცნობეს, პოპულარულ ქართული წარმოშობის რუს მწერალთან, ბორის აკუნინთან (გრიგოლ ჩხარტიშვილი), შეხვედრა მკითხველთან ქართული წიგნის ეროვნული ცენტრის მოწვევითა და ილიას სახელმწიფო უნივერსიტეტის ორგანიზებით, გაიმართება.
შეხვედრა კითხვა-პასუხის რეჟიმში წარიმართება. შეხვედრის მოდერატორია ლონდონში მოღვაწე ლიტერატურის კრიტიკოსი და კულტურის ჟურნალისტი, ქართული წიგნის ეროვნული ცენტრის პარტნიორი, მაია ჯაგი.
შეხვედრის დასასრულს, გრიგოლ ჩხარტიშვილს ილიას სახელმწიფო უნივერსიტეტის საპატიო დოქტორის წოდება მიენიჭება.
