თურქეთის დედაქალაქის ანკარას ვიცე-მერმა აჰმეტ ტუნჩმა განაცხადა, რომ ყირიმის ნახევარკუნძულის ბლოკადა მიუღებელია და რომ საერთაშორისო თანამეგობრობამ უნდა მიაქციოს ყურადღება ამ ფაქტს.

ტუნჩის თქმით, განსაკუთრებულ აღშფოთებას იწვევს წყლისა და ენერგეტიკული ბლოკადა.

„დარწმუნებული ვარ, რომ ეს არაადამიანური მიდგომაა. საერთაშორისო თანამეგობრობამ ყურადღება უნდა მიაქციოს ასეთ ქმედებებს, ვინაიდან საჭიროა უბრალო ხალხის, ქალებისა და ბავშვების უფლებების დაცვა“, - განაცხადა ანკარას ვიცე-მერმა ყირიმში საერთაშორისო საინფორმაციო სააგენტო RUSSIA TODAY -ს პრესკონფერენციაზე.

თურქი პოლიტიკოსებისა და ბიზნესწრეების წარმომადგენლების დელეგაცია ყირიმს ვიზიტით ოთხშაბათს საღამოს ეწვია. დელეგაცია 22 ადამიანისგან შედგებოდა, მათ შორის, თურქეთის პრეზიდენტის წარმომადგენელი იბრაჰიმ ერილი, ანკარას ვიცე მერი აჰმეტ ტუნჩი.