ამერიკელმა მსახიობმა და კალიფორნიის შტატის ყოფილმა გუბერნატორმა არნოლდ შვარცნეგერმა საფრანგეთის პრეზიდენტს წერილი მისწერა, რომელშიც ფრანსუა ოლანდის გადაწყვეტილებას მხარი დაუჭირა, - წერს ფრანგული Le Parisien.

“ფრანსუა, გილოცავთ თქვენს გადაწყვეტილებას. თქვენ ხალხისა და გარემოს დამცველი ბრძანდებით. გვიყვარხართ. არნოლდი“, - ნათქვამია არნოლდ შვარცნეგერის წერილში.

1-ელ დეკემბერს საფრანგეთის პრეზიდენტმა ფრანსუა ოლანდმა სატელევიზიო მიმართვაში განაცხადა, რომ საფრანგეთის საპრეზიდენტო არჩევნებში მეორე ვადით მონაწილეობას არ მიიღებს.