მიმოქცევაში ახალი საფოსტო მარკები გამოვიდა. როგორც „ინტერპრესნიუსს“ ეკონომიკის სამინისტროდან აცნობეს, 7 ახალი საფოსტო მარკა დღეიდან მიმოქცევაშია.

სამინისტროს ინფორმაციით, მარკებზე გამოსახულია კურორტები და საქართველოს ღირსშესანიშნავი ძეგლები.

„2016 წლის 15 დეკემბრიდან მიმოქცევაში ახალი საფოსტო მარკები გამოვიდა. ქართული მარკები 4 თემატიკის 7 ახალ საფოსტო მარკას მოიცავს. ახალი მარკები, საქართველოს ეკონომიკისა და მდგრადი განვითარების მინისტრის, გიორგი გახარიას შესაბამისი ბრძანებით გამოიცა. მარკები რამდენიმე თემას აერთიანებს: ,,მესტია“, „ბაკურიანი“, „გუდაური“; ”ივანე ჯავახიშვილის 140 წელი“; „ალავერდის საკათედრო ტაძარი“; „კოლხური ჯონჯოლი“; „ალავერდის საკათედრო ტაძარი“, - აღნიშნულია განცხადებაში.

ახალი საფოსტო მარკების შეძენა შესაძლებელია შპს „საქართველოს ფოსტა“-ს სერვის ცენტრებში.