პარტია “სახელმწიფო ხალხისთვის“ წარმომადგენელი ნიკა მაჭუტაძე სახელწიფო საკონსტიტუციო კომისიის სამუშაო ჯგუფის სხდომაზე პრეზიდენტის არჩევის წესთან დაკავშირებით სარეიტინგო კენჭისყრის ჩატარებას ითხოვს.

როგორც მაჭუტაძემ შეხვედრის დაწყების წინ განაცხადა, სწორედ სარეიტინგო კენჭისყრაზე გამოჩნდება, საკონსტიტუციო კომისიის რომელი წევრი უჭერს მხარს პრეზიდენტის პირდაპირი წესით არჩევის მოდელს და ვინ ეწინააღმდეგება იმას, რომ საქართველოს მოქალაქეებს სახელმწიფოს მეთაურისა და უმაღლესი მთვარსარდალის არჩევის უფლება ჰქონდეთ.

“დღევანდელ სხდომაზე განიხილება პრეზიდენტის ინსტიტუტთან და მის უფლებამოსილებებთან დაკავშირებული საკითხები. ვაპირებ, მოვითხოვო სარეიტინგო კენჭისყრა, თუ ვინ არის მომხრე და ვინ წინააღმდეგი შენარჩუნდეს პრეზიდენტის არჩევის არსებული წესი. საკონსტიტუციო რეფორმის პროცესი მაღალი ნდობითა და ავტორიტეტით უნდა სარგებლობდეს, რაც ასე არ არის. არსებობს ეჭვი იმის შესახებ, რომ საკონსტიტუციო რეფორმა ხელისუფლების პოლიტიკური ძალაუფლების კონსტიტუციაში ჩაწერის მიზნით ხორციელდება.

პარლამენტში სახელმწიფო საკონსტიტუციო კომისიის საქართველოს პრეზიდენტის, საქართველოს მთავრობისა და თავდაცვის საკითხთა სამუშაო ჯგუფის სხდომა მიმდინარეობს.