11-12 მარტის ბათუმის მოვლენებთან დაკავშირებით, ადმინისტრაციულ სამართალდარღვევის ფაქტზე ბათუმის საქალაქო სასამართლოში სხდომა გაიმართა.

როგორც ”ინტერპრესნიუსის” კორესპონდენტი ბათუმიდან იუწყება, ბრალდებულ კახაბერ ელიაშვილს სამართლადამცავები სიტყვიერ შეურაცხყოფასა და წინააღმდეგობის გაწევაში ადანაშაულებდნენ. კახაბერ ელიაშვილმა ჩადენილი დანაშაული აღიარა.

მოსამართლე ხათუნა ბოლქვაძემ საქართველოს ადმინისტრაციული სამართალდარღვევათა კოდექსის 166-ე (წვრილმანი ხულიგნობა) და 173-ე(პოლიციისთვის წინააღმდეგობის გაწევა)  მუხლების საფუძველზე კახაბერ ელიაშვილს 250-ლარიანი ჯარიმა შეუფარდა.

ამასთან, ბათუმის მოვლენებთან დაკავშირებით, ადმინისტრაციული სამართალდარღვევის ფაქტზე ბათუმის საქალაქო სასამართლოში ბრალდებული როინ ზაქარიაძე არ გამოცხადდა, რის გამოც მოსამართლე ხათუნა ბოლქვაძემ სასამართლო სხდომა გადადო.