მერაბ ღოღობერიძეს ბრალი ოფიციალურად წარედგინა
11- 12 მარტის ბათუმის მოვლენებთან დაკავშირებით სისხლის სამართლის ბრალდებით დაკავებულ მერაბ ღოღობერიძეს ბრალი ოფიციალურად წარედგინა.
როგორც ჟურნალისტებს ადვოკატმა პაატა შავაძემ განუცხადა, ბრალდებულის გათავისუფლებას გირაოს სანაცვლოდ შეეცდება. მისივე თქმით, მერაბ ღოღობერიძე წარდგენილ ბრალს უარყოფს და პროტესტის ნიშნად შიმშილობს.
„მერაბ ღოღობერიძეს ბრალი ოფიციალურად წარედგინა სსკ-ის 225-ე მუხლის პირველი ნაწილით. საქმეზე მტკიცებულებები ჯერ არ ჩაგვბარებია, რომელიც 14 ტომს შეიცავს. აქედანვე მიმაჩნია, რომ გონივრულ ეჭვს მიღმა სტანდარტს ვერ გადალახავს ეს საქმე. მერაბ ღოღობერიძე მის ოჯახს გამართლებული დაუბრუნდება. პირველი წარდგენის ეტაპზე შევეცდებით გირაითი გავათავისუფლოთ. თვითონ ბრალს არ აღიარებს და როგორ შეიძლება ადამიანმა არჩადენილი დანაშაული აღიაროს?! იგი ამ დროისთვის შიმშილობს. დაცვის ქვეშ მყოფმა არჩია, რომ მე უნდა დავიცვა მისი უფლებები", - აღნიშნა პაატა შავაძემ.
v-if="article.gallery" v-html="article.gallery"
