ფოთში ფაშიზმზე გამარჯვების დღე აღნიშნეს. ადგილობრივი ხელისუფლების წარმომადგენლებმა ომის მონაწილეებთან ერთად მეორე მსოფლიო ომში დაღუპულთა დიდების მემორიალი გვირგვინით შეამკეს.მოგვიანებით კი გრიგოლ დარჯანიასა და ალექსანდრე ვაშალომიძის საფლავებზე ყვავილები მიიტანეს და მათ ხსოვნას პატივი მიაგეს.

ომის მონაწილეების ნაწილი ადგილობრივი ხელისუფლების წარმომადგენლებმა სახლში მოინახულეს და ტკბილეული მიუტანეს. მერის ირაკლი კაკულიას ინფორმაციით, ქალაქში მცხოვრები 5 ვეტერანი მერიისგან საჩუქრად 350 ლარს მიიღებს, ხოლო ტერიტორიული მთლიანობისთვის მებრძოლი 39 მოქალაქე 250 ლარს.

,,ვალდებული ვართ ვეტერანები დავაფასოთ და მოვეფეროთ. ადგილობრივი ხელისუფლება მუდამ იზრუნებს მათზე“, -აღნიშნა ირაკლი კაკულიამ.