სახელმწიფო სასერტიფიკაციო გამოცდების 2017 წლის საგაზაფხულო სესია 20-23 ივნისს გაიმართება, - ამის შესახებ ”ინტერპრესნიუსს” ჯანდაცვის სამინისტროდან აცნობეს.

მათივე ინფორმაციით, გამოცდები ორ ნაკადად ჩატარდება, ელექტრონულ ფორმატში. თითოეული საგამოცდო ბილეთი შეიცავს 200 ტესტ-კითხვარს. გამოცდის ხანგრძლივობაა სამი საათი. დადებითად ჩაითვლება შედეგი, ტესტების 75,5 % და მეტი სწორი პასუხის შემთხვევაში.

სახელმწიფო სასერტიფიკაციო გამოცდები ჩატარდება: თბილისში, კოსტავას ქ.N68/ბ, პოლიტექნიკური უნივერსიტეტის I კორპუსში.

2017 წლის საგაზაფხულო სესიაზე მაძიებელთა განაცხადების მიღება მიმდინარეობდა 24 მაისიდან 9 ივნისის ჩათვლით. განაცხადი წარმოდგენილია 45 საექიმო სპეციალობაში. პროფესიული განვითარების საბჭოს 2017 წლის 15 ივნისის N5 სხდომის გადაწყვეტილებით, გამოცდაზე დაშვებულია 748 მაძიებელი.