ე.წ. კორტების სპეცოპერაციის საქმეში მსჯავრდებული, კრიმინალური პოლიციის ყოფილი უფროსი ირაკლი ფირცხალავა, ასევე ყოფილი პოლიციელი, გიორგი ცააძე სააპელაციო სასამართლომაც გაამტყუნა.

მოსამართლეთა კოლეგიამ გაითვალისწინა პროკურატურის არგუმენტები და ყოფილი სამართალდამცველები დამნაშავედ სცნო.

განაჩენი სააპელაციო სასამართლოში რამდენიმე წუთის წინ გამოცხადდა. ფირცხალავა და ცააძის პატიმრობაში დატოვების გადაწყვეტილებას დარბაზში ხმაური მოჰყვა.

თბილისის საქალაქო სასამართლოს გადაწყვეტილებით, ფირცხალავა და ცააძეს 12-12 წლიანი პატიმრობა აქვთ შეფარდებული, რაც დაცვის მხარემ სააპელაციო სასამართლოში გაასაჩივრა.